“Asnjë lojtar nuk është më i madh se Barcelona”, kështu ka thënë Bartomeu. Numri një i Barcelonës, Josep Maria Bartomeu, nuk është i brengosur për largimin e Neymarit nga “Camp Nou”, pavarësisht se e pranoi se kanë insistuar që braziliani të mos largohet nga Spanja.
25 vjeçari u shndërrua në lojtarin më të shtrenjtë në histori të futbollit, duke u transferuar te Paris Saint Germaini për 222 milionë euro.
“Neymar dëshironte të largohej. Ne nuk u pajtuam me këtë vendim, por asnjë lojtar nuk është më i madh se Barcelona”, ka thënë Bartomeu.
“222 milionë eurot që kemi marrë për Neymar Junior do të administrohen me maturi, ashpërsi dhe qetësi”, shtoi ai, përgatiti ”Gazeta Express”. (b.an)
