Zëvendës presidenti i Federatës së Futbollit të Brazilit, Franciso Noveletto ka vendosur në dyshim pjesëmarrjen e Neymar Junior në Copa America me fanellën e Brazilit.
“Nëse Neymar luan, Brazili nuk do jetë i aftë të fitojë titullin. E di që media do të ushtrojë presion ndaj tij. Ka ende shumë gjëra për t’u shfaqur. Një miku im në Rio de Janerio më tha se ekziston një video e dytë dhe do të publikohet shumë shpejt”, tha zyrtari brazilian në televizionin “SBT”.
Sulmuesi i PSG akuzohet për dhunë dhe marrëdhënia seksuale pa dëshirën e modeles Najila Trindade, e cila ka bërë një denoncim në Sao Paolo të Brazilit.
Trindade nuk ka dalë publikisht të pranojë se ajo është femra në fjalë që ka bërë këtë denoncim, por as nuk e ka mohuar një lajm të tillë, teksa emri i saj përflitet në të gjitha mediet në Brazil.
“Nëse do të vija bast dhe do të kisha 10 fisha, do t’i vendosja të gjitha se Neymar nuk do të luajë në Copa America. Ai nuk është në kushtet e duhura psikologjike për të luajtur në këtë kompeticion dhe të përballojë edhe betejën me gazetarët”, vijoi më tej Noveletto.
Ai beson se nëse Neymar nuk luan do të ishte më mirë për të gjithë, të dyja palët (Brazili dhe vetë lojtari) do të dilnin të fituara./telesport.al
g.kosovari
