Analisti i çështjeve politike, Nexhmedin Spahiu në një status në Facebook ka treguar se çka mund të ndodhë, sipas tij, nëse Albin Kurti vjen në pushtet. Ndër të tjera Spahiu ka thënë se Albin Kurti me të ardhur në pushtet do t’i ekzekutojë Mustafën, Thaçin e shumë të tjerë
Ky është postimi i plotë i Spahiut:
Ardhja ne pushtet e Albin Kurtit
Me burgosjen e Albinit ka humbe pushteti, Albini me këtë forcohet. Krejt kjo çka po ndodh po ia shtron atij rrugën drejt pushtetit. Por Albini nuk ka për t’u bërë ndonjëherë i dashur për qytetarët. Albini e as Vetëvendosja asnjëherë nuk janë distancuar nga Enver Hoxha si antishqiptar. Më e shumta e kane cilësuar atë si komunist, por jo edhe si antishqiptar.
Parulla e tij “Bashkim me Shqipërinë” do të thotë pushtim i Shqipërisë nga ana e Kosovës duke ia përvetësuar Shqipërisë edhe simbolet e saj kombëtare. Pasi Shqipëria është anëtare e NATO-s, kjo mund të ndodhe vetëm nëse shkatërrohet NATO. Më e shumta çfarë mund të ndodhë është që ai të vjen ne pushtet ne Kosove. Albini nuk do t’ia thyej dyert Isa Mustafës e Hashim Thaçit, por do t’ua konfiskojë gjithë shtëpitë, zyrat e pasuritë e tyre dhe do t’i ekzekutoje ata dhe shume te tjerë.
