Ka ardhur edhe reagimi i parë nga Shtetet e Bashkuara të Amerikës për kryeministrin e Maqedonisë Nikola Gruevski në lidhje me aksionin policor në Kumanovë, zonë e banuar nga shqiptarët.
Është gazeta prestigjoze “New York Times” e cila në një artikull të saj ngre dyshime për përkushtimin e qeverisë së Maqedonisë për të qeverisur nëm ënyrë demokrate.
Sipas NYT qeveria e Gruevskit është lëkundur mjat që pas “bombave” të përgjimeve të publikuara nga opozita, ku qeveria implikohej në afera dhe skandale.
Dyshimet kanë arritur kulmin pikërisht për ngjarjen e Kumanovës, ku siç u tha nga Gruevski, u sulmua një “grup i armatosur terrorist” i përbërë nga shqiptarë.
Është pikërisht ky fakt që e bën më mosbesues gazetën amerikane dhe versionin zyrtar të qeverisë mbi ngjarjen.
Por kryeministri maqedonas siç nënvizon NYT është kritikuar edhe nga shumë ambasadorë të huaj, por jo vetëm.
NYT thekson se ajo ç’ka realisht e shqetëson Perëndimin, është dyshimi se a po punon vërtetë qeveria e Shkupit për demokraci të Maqedonisë.
