Kryeministri Rama ka qenë sot i pranishëm në zyrat e Këshillit Atlantik në Nju Jork, ku i është përgjigjur një sërë pyetjesh nga të pranishmit. Mes personave që u drejtuan për Ramën, mori pjesë edhe ambasadori amerikan në Shqipëri, Donald Lu. Lu i bëri një pyetje ironike, të cilës Rama iu përgjigj me të njëjtën monedhë.
Donald Lu: Amerikanët dashurojnë basketbollin zoti Kryeministër. A ka diçka për të cilin basketbolli ju ndihmon që të jeni një Kryeministër më i mirë? Për të gjithë ata që nuk e dinë, Kryeministri Rama jo vetëm që ka ndërtuar një fushë basketbolli në ambientet e Kryeministrisë, por ai ka vendosur një kosh basketbolli edhe në zyrën e tij, ndaj edhe mund të gjesh në të ndonjë send të thyer.
Edi Rama: Kjo nuk është një çështje për të cilën do të flas nesër me Presidentin Obama; për fusha basketbolli në institucione apo për mënyrën se si basketbolli të ndihmon të jesh më i mirë se të tjerë.
