Komisioni i posaçëm i reformës në drejtësi do të mblidhet ditën e nesërme në orën 15:00, teksa ende e paqartë është prezenca apo mungesa e opozitës për shkak të vendimit për të bojkotuar me 10 ditë të gjitha punimet e kuvendit.
Reforma në drejtësi ka hyrë në një fazë vendimtare tashmë teksa pritet konsensusi i palëve për një draft përfundimtar për ndryshimet kushtetuese.
Diskutimi politik ka ngecur për shkak të bojkotit të opozitës, por nga ana tjetër, diskutimet teknike mes ekspertëve të të dy kampeve kanë vijuar. Në nivelin politik kanë janë përplasur herën e fundit në mbledhjen e komisionit të reformës për mënyrën e emërimit të anëtarëve të Këshillit të Lartë Gjyqësor dhe disa isntitucioneve të tjera të larta që do të krijohen rishtas me reformën.
Këtë të martë, edhe ambsadorët e SHBA-ve dhe BE-së kanë “lëvizur” në një tur takimesh me krerët e lartë të politikës shqiptare.
Ndërkohë në mbledhjen e sotme në Partinë Socialiste, Edi Rama tha përpara anëtarëve të kryesisë së re se procesi i reformës duhet shtyrë përpara, pa pritur opozitën, e cila sipas tij po luan me këtë proces të rëndësishëm. Duke e quajtur aksionin opozitar si një veprim alla Kodi i Da vinçit, Rama tha se të gjithë duhet të përballen me të vërtetën.
javanews/a.k
