Kryebashkiaku i Kievit, Vladimir Klitschko, ka folur ditën e sotme për mediat.
Në fjalën e tij Klitschko është shprehur se populli ukrainas po sillet ashtu si çdokush tjetër do vepronte nëse vendi i tyre do pushtohej.
Ish-boksieri i botës në peshat e rënda gjatë një intervistë për BBC se “vullneti i ukrainasve është më i fortë se çdo armë apo ushtri në këtë botë”.
Ndër të tjera Klitschko theksoi se do të vazhdojnë të luftojnë dhe do ta mbrojnë “shtëpinë tyre”, teksa theksoi “kjo luftë pa sens s’duhet të kishte filluar”.
“Janë tmerruese historitë e njerëzve, fëmijëve, burrave dhe grave, të moshuareve që janë vrarë, përdhunuar. Është në vazhdimësi, çdo ditë, historia nuk ka ndryshuar aspak.
Vullneti i ukrainasve është më i fortë se çdo armë apo ushtri në këtë botë. Kjo është shtëpia jonë, është një luftë kriminale e Rusisë ndaj Ukrainës.
Nuk ka asnjë mënyrë tjetër, ne do ta mbrojmë shtetin tonë, ne nuk do të largohemi.
Kjo luftë pa sens, nuk duhet të kishte filluar. Nëse dikush sulmon shtetin tuaj, përdhunon njerëzit e shtetit tuaj, shkatërron ndërtesat, nuk do të veproni ndryshe nga ne. Nuk jemi të ndryshëm nga të tjerët, kjo është shtëpia jonë, shteti ynë, njerëzit tanë, besnikëria, principet e familjeve dhe të jetuarit, jo të shkatërruarit. Ndajmë të njëjtat principe, ju në Britani si do të vepronit nëse ju sulmojnë? Ne nuk jemi ndryshe, jemi sulmuar në shtëpinë tonë dhe ne do të mbrohemi”, tha Vladimir Klitschko./m.j
