Aktori i njohur Julian Deda, anëtar i këshillit kombëtar në Partinë Demokratike, ka reaguar pas analizës së deputetit të ri të PD Romeo Gurakuqi.
Ky i fundit, në një analizë për mediat, theksonte se kryeministri Rama e shkeli marrëveshjen parazgjedhore me opozitën dhe përdori çdo resurs për të tjetërsuar rezultatin e zgjedhjeve, duke mos bashkëpunuar me ministrat teknikë të propozuar nga PD.
Në kët këndvështrm, ai propozon disa skenarë të mundshëm për përmbushjen e reformave të rëndësishme që vendi duhet të ndërmarrë.
Sipas Gurakuqit opsioni i kompromisit të opozitës me qeverinë do të ishte një Qeveri pa Kryeministër Edi Ramën.
Kjo duket se ka acaruar edhe Julian Dedën, një prej opozitarëve më të ashpër ndaj Ramës.
Por Julian Deda, i kthehet ashpër kur thotë “nese perton te besh opozite, vazhdoji sygjerimet, por nese do qe PD te vije ndonjehere ne pushtet duke krijuar besim te njerezit, duhet respektuar verdikti dhe te bejme opozite te forte e pa hile”.
Statusi i anetarit te forumeve te PD ne rrjetin social::
Si mund te sygjerosh bashke-qeverisje me rilindjen ne emer te liberalizmit? Nese kjo ndodh, atehere asgjesimi politik i PD eshte i sigurte.
Nese eshte kjo ajo qe do, vazhdoji keto lloj sygjerimesh. Po si mund te bashkepunosh me rilindjen, me ate qe kemi 4 vite (ne, ti jo), qe themi se eshte shkaktare e 1000 te zezave ne kete vend?
Ata na vodhen zgjedhjet pra, apo jo?! Nese perton te besh opozite, vazhdoji sygjerimet, por nese do qe PD te vije ndonjehere ne pushtet duke krijuar besim te njerezit, duhet respektuar verdikti dhe te bejme opozite te forte e pa hile.
