Kreu i LZHK, Dashamir Shehi ka bërë një sugjerim publik për kreun e PD, Lulzim Basha.
Në studion e ABC, Shehi tha se Basha dhe opozita duhet të qetësojnë punonjësit e administratës publike, duke ju thënë se nuk do të hiqen nga puna nëse ata marrin pushtetin.
Sipas Shehit, kryeministri Rama është duke ushtruar terror mbi këta punonjës, duke ju pohuar se sapo të vijnë ata do t’ju heqin.
“Do i jepja një sugjerim tjetër përtej premtimeve për biznesi. Zoti Basha ne të gjithë kemi një detyrim të madh tu japim një mesazh sigurie, qetësie për profesionalizmin administratës publike dhe vendeve të punës në shtet. Sepse Rama po bën terror duke u thënë se ditën që të vijnë ata do u heqin.
Kur të vijmë ne ata drejtorët hajdutë do ikin, por me mijëra nënpunës të tjerë që kanë marrë rrogën modeste, me mijëra teknikë do rrinë aty në punë. Sidomos pjesën e policisë. Nuk i dorëzojmë ne se janë socialistë. E njëjta gjë me nënpunësit që ngjitur me zotësi, edhe duke qenë aty dhe socialistë. Do ta jemi të parët që i thotë je socialist ik e tregoje ditën e votimit. Vetëm kështu thyhet.
Edhe këtë duhet të bëjë zoti Basha, se ka një çmim kjo. Ai që është i zoti s’ka gjë le të vazhdojë të jetë me Edi Ramën. Kjo është ideja e shtetit ligjor që s’ke të drejtë të më heqësh nga puna se jam me kundërshtarin. Ky është mesazhi më i madh që duhet të japë zoti Basha ndaj administratës publike. Këta sektorë duhen të mbrohen,” deklaroi ai.
Apeli i Shehit ka qene ne limitet e deshperimit, pasi te gjithe e dine se sa here PD vjen ne pushtet ndryshon dhe pastrueset e ministrive dhe institucioneve.
Megjithese administrata eshte e qete, e dine se dhe kete mandat do te jete ne qeverisje mazhoranca e Edi Rames! / b.h
