Kjo është pyetja që ngre gazetari Habjon Hasani, teksa komenton debatin që ka përfshirë ditët e fundit gazetarët dhe politikanë, pas një shkrimi të Ola Xamës që e etiketon Erion Veliajn si “ideator i inceneratorit të Tiranës”.
Veliaj, në komunikatën me gazetaren Xama e quajti atë si “vrasëse me pagesë”, metaforikisht kuptohet, teksa sqaroi se kanë qenë dy projekte për inceneratorin, një të cilin e gjeti në tavolinë nga Lulzim Basha, kur u bë kryebashkiak, dhe tjetri që erdhi më vonë si propozim i pakërkuar një marrëdhënie privat-qeveri.
Gazetari Hasani thotë se pas një raportimi spekulativ me qëllim vrasjen politike të Veliajt, ky i fundit ka të drejtën e tij të flasë edhe për “vrasës me pagesë”.
Hasani thotë se sot, ata që ankohen për lirinë e medias, nuk thanë asnjë fjalë kur Sali Berisha dhe opozita spekuluan me një “fake neës” të fotos së kitaristit amerikan Joe Walsh, duke pretenduar se ishte Veliaj i maskuar me paruke në Iran.
Komenti i plotë i gazetarit Habjon Hasani:
Nëse një iniciativë dhe shkresë zyrtare të Lefter Kokës për të ndryshuar skemën nga landfill në incenerator ja faturon Erion Veliajt, në kulmin e valës së hetimeve dhe arresteve për inceneratorët, atëherë a nuk është ky një raportim spekulativ me qëllim “vrasjen politike” të Veliajt?
E nëse dikush paska plan ta vrasë Lalin politikisht (por me spekulim ashiqar ama) pse nuk paska Lali të drejtë të flasë për “vrasës me pagesë”?
Ore dhe diçka kot për kuriozitet:
Sa nga këta qe ankohen pikërisht sot për lirinë e medias guxuan të komentojnë apo të dënojnë mashtrimin spektakolar të opozitës dhe Berishës me kitaristin Joe Walsh për të cilin Berisha thoshte se është Veliaj me paruke në Iran, në kulmin e fushatës elektorale?
/a.r
