Analisti Neritan Sejamini u shpreh në emisionin “Të Paekspozuarit”, në MCN TV, se nuk është dakord që Greqia e mbron Fredi Belerin se është minoritar, sepse i tillë është edhe Jorgo Goro, kryebashkiaku ende në detyrë në Himarë që humbi në zgjedhjet vendore të 14 majit.
Sipas Sejaminit Beleri mbrohet sepse është militant për tezat greke të minoritetit.
“Problemi i Greqisë për Belerin është pak më i ndërlikuar. Greqia thotë për të drejtat e minoritetit, po Jorgo Goro, kryebashkiak në detyrë, është gjithashtu minoritar.
Pse u zgjodh pikërisht Beleri dhe jo një grek tjetër? Jorgo Goro pra është minoritar, shumë minoritarë kanë votuar për Jorgo Goron, e vërteta është që në Xarrë ka qenë minoritar, në Dropull ka qenë minoritar. Pra Greqia nuk ka asnjë lloj problemi, por është investuar e gjitha te Beleri dhe ata nuk duan Jorgo Goron. Greqia ka dashur që të ketë në Himarë një kandidat militant për tezat greke të minoritetit.
Që këtu ka një frymëzim, ndikim, nuk do ta quaja shovinist, por frymëzim të Greqisë, po është e drejta e saj ta bëjë këtë”-u shpreh Sejamini.
/a.r
