Një histori e Luftës së Dytë Botërore ka ngjallur interesin e filonazistëve grek për të kërkuar arin që ata kanë fshehur në Shqipëri përgjatë Luftës së Dytë Botërore nga dy ushtarë grek.
ReportTv ka siguruar pamjet e ekspeditës ilegale nga një grup eksploruesish të cilët janë nisur nga Athina në Greqi dhe pak ditë më parë kanë përfunduar ekspeditën katër ditore në disa fshatra të Malësisë së jugut në Shqipëri.
Nga pamjet duket se ata kanë zbuluar edhe një shpellë ku sipas tyre fshihet ari, ndërsa deklarojnë se ekspedita ka qenë e suksesshme dhe ata do të rikthehen shpejt për të marrë asetin e çmuar.
Sipas tyre ari është fshehur në Shqipëri pasi dy ushtarët grekë, ja kanë vjedhur nazistëve gjatë luftës së dytë Botërore dhe nuk kanë mundur dot ta çojnë në Greqi pasi janë arrestuar nga nazistët gjerman.
Ajo që e bënë sa të mistershme këtë ekspeditë të tyre, është një set i pajisjeve të teknologjisë së lartë që ata përdorin edhe një hartë që disponojnë teksa lokalizojnë fshatin ku nisin kontrollet në lartësinë 700 m mbi nivelin e detit.
Nga hyrja në kufi ata i drejtohen Vlorës të cilën në videon e siguruar nga ReportTv e konsiderojnë me Majamin, ndërsa takojnë edhe disa shqiptarë që i shoqërojnë.
Teksa i afrohen hyrjes së Vlorës ata e përshkruajnë itinerarin e tyre drejt malit, duke përmendur edhe fshatin Vuno, ndërsa në pamje duket kalaja e ‘Ali Pashë Tepelenës’.
Ndërsa deklarojnë se rezultati i kërkimit ka qenë pozitiv dhe do të rikthehen shpejt, pranojnë se në doganën shqiptare kanë pasur problem gjatë kontrollit por ndoshta askush se ka pikasur që janë gjahtarë të thesareve.
/a.r
