Një grua 62-vjeçe ka ndërruar jetë në orët e para të ditës së sotme në Tiranë si pasojë e një ngjarje të rëndë që ka ndodhur në zonën e “Astirit” ndërsa djali i saj është në spital nën kujdesin e mjekëve.
Viktima është Hava Osmenaj. I lënduar ka mbetur djali i saj Klodjan Osmenaj.
Sipas policisë rreth orës 05:55 apartamenti i tyre në katin e tretë të një pallati në zonën e “Astirit” është përfshirë nga flakët.
Në pamundësi për të dalë jashtë nënë e bir janë hedhur nga lartësia, dritarja për të shpëtuar, por 62 vjeçarja ka ndërruar jetë, ndërsa djali i saj 36 vjeç ndodhet në spital.
‘Rreth orës 05:55, në Astir, ka rënë zjarr në katin e 3-të një pallati. Dyshohet se në pamundësi për të dalë jashtë gjatë kohës së zjarrit janë hedhur nga lartësia( dritarja) shtetasja Hava Osmena, rreth 62 vjeçe dhe djali i saj Klodjan Osmenaj, 36 vjeç. Si pasojë ka ndërruar jetë shtetasja H. O, ndërsa shtetasi K. O, ndodhet në spital, nën kujdesin e mjekëve’, njofton policia.
Ende nuk dihen shkaqet që kanë shkaktuar zjarrin. Grupi hetimor vijon punën për sqarimin e plotë të rrethanave të ngjarjes.
g.kosovari
