Sot mbahet në Tiranë takimi i 12-të i Komitetit Parlamentar të Stabilizim Asociimit për negociatat BE-Shqipëri.
Ambasadorja e BE në Shqipëri e pranishme në këtë aktivitet, Romana Vlahutin, është shprehur optimiste për çeljen e negociatave të Shqipërisë për në BE, dhe theksoi se Shqipëria ka një mundësi të artë për të hyrë në bisedime.
“Të bëheni një dhe të bëni një aleancë të fortë kundër gjithë padrejtësive dhe krimeve”- u shpreh Vlahutin.
“Ky vend duhet të bëjë përpjekje, të ketë ritme të qëndrueshme nëpërmjet reformave. Për sa i përket rezultateve të procesit, duhet të presim raportin përfundimtar. Shqipëria ka bërë punë të jashtëzakonshme me reformën në drejtësi. Ne kemi parë rezultate të shkëlqyera dhe do vazhdojmë të kërkojmë rezultate.
Shqipëria është treguar e zgjuar dhe strategjike, duke i paraprirë reformave. Hapja e diskutimeve për pranim nuk është dhuratë, është përshpejtim përpjekjesh”, dekalroi Vlahutin./a.m.
