Ministri i Shtetit për Europën i Gjermanisë, Michael Roth reagon serish ne mbeshtetje te celjes e negociatave te Shqiperise me BE-ne, per te cilen vetem pak dite me pare Komisioni Evropian i dergoi Keshillit rekomandimin pozitive pa kushte.
Në një mesazh në rrjetin social “Twitter” Roth shkruan se për Maqedoninë e Veriut dhe Shqipërinë ne duhet të mbeshtetemi në fakte dhe në ndershmëri.
“Për Maqedoninë e Veriut dhe Shqipërinë ne duhet të mbeshtetemi në fakte dhe në ndershmëri. BE dhe Gjermania kanë shumë për të humbur”- shkruan ai.
Postimin e bere nga ministri i Shtetit për Europën i Gjermanisë, Michael Roth në rrjetin social, e ka postuar ne faqen e tij ne “Facebook” edhe kryeministri Edi Rama.
Për Michael Roth, BE duhet të marrë një vendim në qershor për fillimin e negociatave të pranimit me Shqipërinë dhe Maqedoninë e Veriut. “Ne duhet qëndrojmë në fjalën e dhënë dhe duhet të mbajmë angazhimet tona”, tha Ministri i Shtetit në Zyrën e Jashtme për Tagesspiegel. Politikani i SPD-së rikujtoi se një vit më parë, “brenda BE-së, ishte caktuar një kalendar i qartë” duke deklaruar se mënyra për të hapur negociatat e pranimit me dy vendet e Ballkanit Perëndimor duhej të vendoset në qershor 2019.
g.kosovari
