Ambasadorja e Francës në Bullgari, Florence Robin, u takua sot me deputetët anëtarë të Grupit të Miqësisë me Francën në Parlamentin bullgar. Në takimin, morën pjesë edhe përfaqësues të opozitës, njofton korrespodenti i MIA-s nga Sofja.
Siç raporton Radioja Kombëtare Bullgare (RKB), propozimi francez për heqjen e vetos së vendosur nga Bullgaria në negociatat për anëtarësimin e Maqedonisë së Veriut në BE pritet t’i dërgohet zyrtarisht qeverisë bullgare gjatë ditës.
Propozimi francez, i cili do t’u dërgohet të gjitha vendeve anëtare të BE-së, sipas informacioneve jozyrtare, parasheh heqjen e vetos dhe Bashkimi Evropian të bëhet garantues që Shkupi të përmbushë kushtet e parashtruara nga Sofja.
/e.d
