Pavel Nedved, përfaqësuesi dhe legjenda e Juventusit në shortin që u hodh në Nyon të Zvicrës, tha se bardhezinjtë janë të lumtur që pas 12 vitesh e shohin veten sërish në gjysmëfinalet e Champions League.
“Kemi përballë kampionët në fuqi, janë përbindësha, por ne jemi të lumtur që jemi mes katër më të mirëve”, tha ish-futbollisti çek i Juventusit.
Çeku shtoi se ka shumë besim te skuadra.
“Mendoj se mund t’ia dalim mbanë dhe besoj se do të zhvillojmë dy ndeshje të bukura. Do të provojmë të bëjmë diçka të mirë për futbollin italian”. u shpreh ai
Në lidhje me Paul Pogba, aktualisht i dëmtuar, Nedved tha se Juventusi do të përpiqet ta ketë të gatshëm në kohë.
Redaksia Online
(Javanews.al)
