Para Facebook-ut, nuk është se ka pasur ndonjë mundësi për t’u takuar me ish dashnorët. Por, një gjë e tillë ka qenë e mundur edhe para epokës së Facebook-ut, në një fshat në Vietmam. Festivali dy ditorë ka për qëllim që t’i bashkojë ata që janë ndare.
Festivali ‘Tregu i Dashurisë’ në Khau Vai, mbahet me datën 26 dhe 27 të muajit të tretë, të kalendarit hënor, në komunën e izoluar të Khau Vai, transmeton Gazeta Blic. Legjenda e festivalit ka të bëjë me një vajzë etnike e cila ra në dashuri me një djalë nga krahina fqinje Nung. Vajza ishte aq e bukur, saqë fisi nuk pranoi ta martojë atë me një të huaj, me këtë rast plasi edhe një konfikt i përgjakshëm mes dy vendeve. Për të parandaluar gjakderdhjen, çifti u pajtua që të ndahen, por në mënyrë sekrete, ata ranë dakord të takohen një herë në vit.
Tani, ky festival është kthyer në traditë, kur lejon që njerëzit të takohen më ish dashuritë e tyre. ish të dashuruarit ishin çiftet të cilët nuk ishin në gjendje të martoheshin për një arsye, ose tjetër dhe fëstivalin e shfrytëzonin si një mundësi të vetme për tu takuar me njerëzit që kishin dashuruar dikur, transmeton Gazeta Blic. Kjo traditë nuk i pengon as çiftet e sapomartuara, sepse burrat e shohin këtë si një mundësi për t’u takuar me dashnoret që dikur kishin ndezur zjarr në zemrat e tyre.
Mirpo, vitet e fundit, tradita sikur ka filluar të zbehet. Ky festival nuk zgjon kurrështje të madhe te vendasit, sa zgjon tek turistët. Tani më, edhe pa ndonjë dashuri të kaluar, mund të vizitojnë festivalin për të shijuar kuzhinën tradicionale, dhe kush e di, ndoshta mes ish të dashurave, dikush gjen një dashuri të re. /Gazeta Blic/
