Salvador Kaçaj, kandidati për deputet në listën e PD-së së Tiranës, ka folur për zgjedhjet e 11 majit, duke thënë se në Tiranë synojnë 20 mandate.
“Në Tiranë mendoj se këto 48 orë PS do të përpiqet të bëjë maksimumin për të vjedhur, por janë të pashpresë. Nuk kanë asnjë shanse të rikonfirmohen. Të Tiranë objektivi i PD-ASHM është afro 20 mandate. Si në Tiranë dhe në Shqipëri, u bëj thirrje shqiptarëve që partitë e vogla janë paterica të Edi Ramës”, tha Kaçaj në studion e lajmeve në News24.
Ai komentoi edhe votën e diasporës, duke thënë se do t’i japë një goditje spektakolare PS-së.
“Mendoj se me votën e diasporës, do marrin një goditje spektakolare dhe shembullore sepse nuk do të lejojmë që zarfet që do të vijnë në Tiranë, ne do t’i shikojmë në mënyrë rigoroze. Për fatin e mirë, drejtësia për zgjedhjet mendoj se do të veprojë”, tha ai.
Lidhur me non gratën e Berishës, dhe deklaratat e sotme se kreu demokrat mund të udhëtojë drejt SHBA-ve, Kaçaj tha si vijon;
“Mendoj se non grata e Berishës ka rënë me 5 nëntor, me fitoren e Donald Trump. Ka rënë si një padrejtësi shekullore e Amerikës. Mendoj që gazetari i njohur, ai ka bërë një pyetje dhe shpresoj që Departamenti të kthejë një përgjigje. Mendoj se përgjigja është bërë dhe përgjigja është e saktë, non grata e Berishës nuk ka asnjë bazë ligjore të qëndrojë”, tha ai.
