Policia e Shtetit ka prangosur dy shtetas nga Guinea, pasi kanë tentuar të hyjnë në Shqipëri me vizë të falsifikuar.
Siç mësohet nga njoftimit i Policisë, u arrestuan në flagrancë 20-vjeçari Alpha Oumar Barry, lindur në Guinea dhe banues në Conakry. Po ashtu u arrestua dhe 25-vjeçari, Thierno Madjou Bah, lindur në Guinea dhe banues në Conakry.
Dy shtetasit e mësipërm kanë paraqitur si dokumenta udhëtimi dokumenta të falsifikuara, viza shqiptare të falsifikuara si dhe leje qëndrimi belge të falsifikuara.
Ata kanë deklaruar se me anë të njohjeve të tyre familjare ose miqësore janë lidhur me një person që jeton në shtetin e Malit, i cili u ka siguruar dokumentet e mësipërme kundrejt pagesës 2 mijë dhe 400 euro.
Të arrestuarit kishin si destinacion final Gjermaninë, ku do të kërkonin azil.
