Ministri i Brendshëm i Serbisë, Nebojsha Stefanoviq, ka bërë të ditur se autoritetet e rendit atje kanë arrestuar 46 veta të dyshuar për krim ekonomik dhe pastrim parash. Në një konferencë për gazetarë, Stefanoviq ka thënë se të arrestuarit dyshohet se kanë dëmtuar buxhetin e Serbisë, të Vojvodinës dhe të disa komunave për shtatë milionë euro.
Stefanoviq ka thënë se në mesin e të arrestuarve janë 15 pjesëtarë të policisë së trafikut, një gjyqtar, një nëpunës i fondit pensional dhe një ish-futbollist. Luftimi i korrupsionit dhe krimit të organizuar është kusht për Serbinë për t’u përafruar me Bashkimin Evropian.
