Ka zgjatur vetëm pak orë qëndrimi në paraburgim i 26-vjeçarit, Bledar Zefi, pasi ai është arratisur nga ambjentet e komisariatit numër 3 në Tiranë.
Arratisja e tij u njoftua rreth orës 10:30, raporton Ora News.
26 vjeçari me banim në Fushë Arrëz të Pukës, i dënuar nga drejtësia italiane për akuzën “Vjedhje me armë e organizuar në grup kriminal” , u arrestua sot nga efektivët e komisariatit nr 3 në kryqytet.
Bledar Zefi ishte në kërkim ndërkombëtar.
“Ky shtetas u ndalua pasi Gjykata e Xhenovës Itali me vendim datë 29.06.2015, e ka dënuar me 10 vjet burg, për veprën penale “Vjedhje me armë e organizuar në grup kriminal” parashikuar nga nenet 61, 110, 624, dhe 625 të K.P. Italian” thuhet në njoftimin e policisë.
TEMA
