Sekuestrohen 700 kg kanabis në Akërni, gati për trafik në Itali.
Lënda narkotike e paketuar në 28 pako, ishte transportuar me një furgon pa targa dhe ishte lënë në breg të detit pranë Hidrovorit.
Në furgonin e braktisur u gjetën edhe disa bidona me benzinë, ndërsa në mbrëmje kanabisi do të trafikohej për në Itali me gomone.
E ndërsa po prisnin që të vinte gomonia për të marrë kanabisin, plani i trafikantëve ka dështuar, pasi janë zbuluar, shkruan Report TV.
Policia pas sekuestrimit të kanabisit ka nisur kërkimet për të identifikuar dhe arrestuar poseduesit, të cilët pasi kanë pikasur policinë janë arratisur.
Operacioni është zhvilluar nga policia kufitare dhe ajo e Vlorës në bashkëpunim me Delta Forcë.
Ndërkohë që mbrëmë u bllokua në det në gomone me 600 kg kanabis e nisur nga Shqipëria me destinacion Italinë.
