Në Partinë Demokratike u prit me entuziazëm lajmi për shkarkimin e Saimir Tahirit nga posti i Minsitrit të Brendshëm.
Nga selia blu kjo ;ëvizje u komentua si arritje e protestës.
Deputeti Kastriot Islami e ka komentuar lajmin si fillimin e fundit të asaj që e cilëson si “bandën e krimit në qeveri”.
“Filloi shpërbërja…Shkërmoqja…Kundërmon…Sado të përpiqen të bëjnë lojra për të shpëtuar, ky është vetëm fillimi i fundit të merituar së bandës që nisi si ‘aleancë e plehrave’ dhe do të largohet si bandë e korrupsionit, krimit, kanabisit, plehrave dhe e varfërimit, mjerimit e papunësisë për shqiptarët…! Asgjë nuk i shpëton”, – shkruan Kastriot Islami në “Facebook”.
Por lajmi u hodh poshtë nga Saimir Tahiri. Ai shkruajti në facebook se “as ka kërkuar dorëheqje dhe as i ka kërkuar kush dorëheqjen”.
