“Në më pak se 2 vite i dëboj të gjithë emigrantët nga Amerika”
Donald Tramp ka thënë se nëse zgjidhet president, do t’i mjaftonin më pak se dy vite për t’i dëbuar të gjithë emigrantët që aktualisht jetojnë pa dokumente në Shtetet e Bashkuara të Amerikës.
“Mendoj se është një proces që kërkon 18 muaj deri në dy vjet nëse menaxhohet siç duhet”, deklaroi kandidati republikan gjatë një video-konference me anëtarë të partisë në Alabama të premten.
Këto komente janë të parat ku miliarderi i djathtë flet specifikisht për planin e tij anti-emigracion.
Ndërkohë Forumi Amerikan për Veprim, një qendër kërkimore konservatore, vlerëson se do të duhet dhjetë herë më shumë kohë dhe mbi 600 miliardë dollarë për t’i larguar 11 milionë emigrantët e paligjshëm nga territori amerikan.
Gjithashtu Donald Tramp tha se nuk do ta ndërtonte gardhin në kufirin jugor të vendit pa i dëbuar më parë të gjithë personat pa leje qëndrimi. “Do t’i largoj sa hap e mbyll sytë, pastaj do ta ndërtoj murin. Ata duhet të ikim prej këtu, kemi probleme të tmerrshme me krimin”, theksoi kandidati që udhëheq sondazhet brenda republikanëve.
