Mos-ekzekutimi i vendimeve gjyqësore, mungesa e kontrollit efektiv gjyqësor dhe mos-përputhja e shumë ligjeve, janë disa nga problemet e theksuara në raportin vjetor të Avokatit të Popullit.
Mos-ekzekutimi i vendimeve gjyqësore dhe dëmet në pasurinë e shtetit, mungesa e kontrollit efektiv gjyqësor në vendimet administrative dhe mos-përputhja e shumë ligjeve, janë disa nga problemet e theksuara në raportin vjetor të institucionit të Avokatit të Popullit.
Në raportimin e tij para Komisionit Parlamentar për të Drejtat e Njeriut, Hilmi Jashari tha se problemet më të mëdha që kanë hasur gjatë vitit që shkoi, janë ato në fushën e legjislacionit, gjyqësorit dhe ekzekutivit.
Avokati i Popullit tregoi se janë 117 mijë raste ende të pa-ekzekutuara nëpër gjykata.
Rastet e pa-mbyllura nëpër gjykata, sipas Jasharit më së shumti janë në ato për kundërvajtje, por që nuk mungojnë as në gjykatat tjera.
Jashari tha se në këtë mënyrë po i shkaktohet dëm i madh vendit në vlera milionëshe.
