Kryetari i PBDNJ Vangjel Dule ka habitur me qendrimin e tij, teksa është shprehur se po pret lëvizjen e Partisë Socialiste për të vendosur qarkun se ku do të kandidojë në zgjedhjet e 25 prillit.
Ai u shpreh në “Log” se PS po kandidon e vetme për shkak se nuk ka asnjë aleat, ndërsa shtoi se politika që ka ndjekur kjo parti e ka tkurrur atë.
“Besoj se marrëveshja me PD është zgjidhur në shumicën e detajeve të veta. Akoma nuk është vendosur se ku do të jetë kandidatura ime konkrete.
Ti shikojmë pak gjërat me radhë. Jemi duke diskutuar për themelet e një Kodi Zgjedhor.
Kemi dy kategori të ndryshme. Juve keni si prioritet lajmin, ndërsa zoti Mediu, unë, PD kërkojmë thelbin e çështjes. Ne nuk do shkojmë në një bashkëpunim vetëm për mbledhje votash.
PS nuk e ka zgjedhje të vetën që të kandidojë e vetme. Nuk ka asnjë aleat. E majta nuk është shuar.
Kemi LSI, partinë Demokracia Sociale. PS me politikën që ka ndjekur është jo vetëm e izoluar, por duke u tkurrur. Nuk ka zgjidhje tjetër përveç kandidimit e vetme.
Unë do të jem aty në varësi edhe të lëvizjeve të PS, aty ku kandidatura ime do të arrijë të maksimalizojë votat në funksion të koalicionit”, tha Dule.
