Presidenti i Serbisë, Aleksandër Vuçiç, ka sulmuar deputeten britanike, Alicia Kearns, pas deklarates së kësaj të fundit se Në kishat ortodokse në veri të Kosovës po kontrabandohen armë nga serbët me ambulanca.
Vuçiç tha se po bëjnë hetim ndaj saj, për të parë se mbi çfarë bazash i ka thënë këto deklarata, ndërsa shkon edhe më tej duke u shprehur se po hetojnë se nga kush paguhet për të thënë gjëra të tilla.
”Mos u shqetësoni zonjë [Alicia Kaearns], ne tashmë po bëjmë një hetim kundër jush për të parë se mbi çfarë baze i keni thënë gjithë ato gënjeshtra dhe kush po ju paguan për gjithçka dhe pse po e vendosni Serbinë në një pozitë të tillë”, tha Vuçiç.
Këtë deklaratë, deputetja britanike e bëri gjatë adresimit të saj në Parlamentin e Mbretërisë së Bashkuar, ku si temë kyçe kishte përkujtimin e gjenocidit të Serbisë në Srebrenicë të Bosnje e Hercegovinës./m.j
