1899 -Ka lindur shkrimtari argjentinas Jorge Luis Borges, një nga shkrimtarët më të mëdhenj të shekullit XX, i cili la shenjë të rëndësishme në letërsinë hispaniko-amerikane dhe ka ndikuar fuqimisht te shumë shkrimtarë nga e gjithë bota.
79 – Shpërthimi i vullkanit Vesuvius ka zhdukur qytetet romake të Pompeit, Herculaneum dhe Stabia, e mijëra njerëz u vranë. Pompei është ruajtur mirë në bazë të hirit vullkanik dhe lava, e kështu ka mbetur si dëshmi për jetën dhe kulturën e Romakëve në atë kohë.
410 – Mbreti vizigot Alarik ka hyrë në Romë e pas tri ditësh plaçkitje vazhdoi drejt Italisë së Jugut, me qëllim për të kaluar në Afrikë, por në këtë udhë ai vdiq.
1572 – Në natën e festës së Shën Bartolomeut në Paris filloi masakra e Hugenotëve (francezë protestantë), në të cilën deri në shtator u vranë rreth 70,000 njerëz në të gjithë Francën. Besohet se urdhrin për kasaphanën (therrjet) në “Natën e Shën Bartelomeut” e ka dhënë Catherine de Medici, nëna e mbretit francez Sharl IX, në marrëveshje me Papa Gregorin XIII. (b.an)
