Një tjetër i kërkuar si pjesë e një grupi të strukturuar kriminal bie në prangat e Policisë. Blutë e kryeqytetit kanë arrestuar një 43-vjeçar pasi ishte shpallur në kërkim për trafikim ndërkombëtar të lëndëve narkotike.
Policia e Tiranës ka vënë në pranga shtetasin me iniciale G. R, banues në Tiranë.
“Në bazë të informacionit të marrë në rrugë operative, në rrugën “Muhamed Gjollesha”, në bashkëpunim me Forcën e posaçme “Shqiponjat” dhe Patrullën e Përgjithshme kapën dhe ndaluan shtetasin e shpallur në kërkim:
G. R, 43 vjeç, banues në Tiranë, pasi ishte i shpallur në kërkim për trafik ndërkombëtar lëndësh narkotike“, bën me dije policia.
Për ketë shtetas Gjykata e Shkalles se Pare për Krime te Renda më datë 18 dhjetor 2019, ka caktuar masën e sigurimit personal “Arrest në burg” për vepra penale “ Prodhimi dhe shitja e narkotikëve”, “Grup i strukturuar kriminal”, dhe “Kryerja e veprave penale nga organizata kriminale dhe grup i strukturuar kriminal”.
Materialet i kaluan Prokurorisë se Posaçme Kundër Korrupsionit dhe Krimit te Organizuar, Tiranë.
g.kosovari
