Nga Zyra Qëndrore Interpol Tirana u krye ekstradimi nga Athina/Greqi, drejt vendit tonë, i shtetasit shqiptar:
Vasil (Nasibi) JAHA, 31 vjeç, lindur në Tepelenë.
Shtetasi Vasil(Nasibi) JAHA, ishte shpallur në kërkim ndërkombëtar mbi bazën e vendimit datë 10.07.2013 të Gjykatës së Apelit Durrës, e cila e ka dënuar me 3 vjet 10 muaj dhe 1 ditë burg, për kryerjen e veprës penale të “Prodhimit dhe shitjes së lëndëve narkotike“, parashikuar nga neni 283/1
i Kodit Penal të Republikës së Shqipërisë.
Si rezultat i bashkëpunimit të Interpol Tirana me Interpol Athinën/Greqi, u bë i mundur arrestimi provizor i tij në Greqi, me qëllim ekstradimi drejt vendit tonë.