Një 42-vjeçar nga Mirdita ka rënë në prangat e policisë pasi dyshohet të jetë i lidhur me trafikun e 1.3 ton kokainë.
Ai është identifikuar si Alfred Arapi, i cili u kap në Italinë veriore teksa udhëtonte me një BMW të zezë me targa italiane. Arapi ishte i shoqëruar nga dy persona të tjera dhe u arrestua me kërkesë të shtetit grek.
Arapi është kapur në zonën ku jetonte, në Pordenone të Italisë në rrugën “Vallona”, në orën 20.00 të ditës së martë 18 shkurt.
Ai punonte prej disa vitesh në një kompani të përpunimit të hekurit në Pordenone.
Edhe një grek u arrestua në Kalithea, Greqi, edhe ky i kërkuar si pjesë e të njëjtit grup.
Në fund të janarit të këtij viti, u kapën 1.3 ton kokainë në Aitiloakarnania, Greqi dhe u shpallën në kërkim disa persona, mes të cilëve edhe Arapi.
g.kosovari
