Një person i shpallur në kërkim ndërkombëtar nga Interpol, për llogari të drejtësisë italiane është vënë në prangat e policisë së Vlorës.
Arrestimi i tij u bë mbrëmjen e kësaj të enjteje në një lokal të lagjes “Pavarësia”.
I arrestuari është Robert Kosëmi, 36 vjeç, banues në Fier.
Prangosja e tij u bë Gjykata e Breshias në Itali në vitin 2018, ka lëshuar urdhër arresti ndërkombëtar për veprën penale “Pjesëmarrje në organizatë kriminale me qëllim trafikimin e lëndëve narkotike, kryer në bashkëpunim”.
Bazuar në Kodin penal italian, maksimumi i dënimit që rrezikon Kosëmi, është deri në 20 vite burgim.
Ndaj të dyshuarit për veprime të mëtejshme, materialet iu referuan Prokurorisë së Vlorës.
/a.r
