Kryeministri Edi Rama ishte sot në Tropojë ku kërkoi votën e qytetarëve për një mandat të dytë qeverisës.
Edhe në këtë takim ai nuk i kurseu batutat. Teksa kërkoi votat e demokratëve, ai tha se “PS shpëtoi dhe nxori PD nga çadra”.
“Kush ua shpëtoi PD-në juve, Saliu apo PS? Luli do ishte me rroba banjoje në çadër. Dhe jo vetëm që do dilte me rroba banjoje, por do dilte si unë dikur në plazh…”, tha Rama, referuar fotos me të cilën e sulmuan në fushatën për kryebashkiak në vitin 2007.
Rama kërkoi votat e demokratëve tropojanë, kur tha se vota duhet çuar te ata që punojnë.
“Do thoni ju si t’ja bëj unë që e kam zemrën te Saliu? Mbaji në zemër po të duash, por vota nuk është punë zemre”, tha Rama.
Kryeministri tha më tej se PD pretendon të ngrejë republikë të re, por nuk ka femra në listat e kandidatëve. Ai tha se në Tropojë qeveria ka financuar një sërë projektesh transformuese, pa paragjykuar kryebashkiakun e djathtë.
“Vajzat tropojane t’i lënë mënjanë bindjet dhe të bashkohen me bindje nse është detyrim moral, qytetar, barazia mes vajzave. Një parti e madhe e cila pretendon të mari votat për të qeverisur vendin, e cila pretendon se do ngrejë një republikë të re, dhe që i thotë gjithë këtij qarku e në Republikën e Re s’ka vend për gratë e vajzat, paguan dhe gjobë për shkeljen e ligjit, meriton të mari një mesazh shumë të qartë që kjo ëhstë e papranueshme. Ju e dini mirë që kryetari i bashksië së Tropojës është i PD, por kjo nuk më ka penguar të mbështes Tropojën dhe do vijoj ta mbështes pasi e kanë zgjedhur qytetarët e Tropojës dhe për ne mbi partitë është Tropoja. Ne nuk i paragjykojmë kryetarët e bashkive, përkundrazi jemi të gatshëm të bashkëpunojmë. Nuk është faji i im që në Shkodër nuk ka kryetar bashkie, në Pogradec nuk ka kryetar bashkie e në disa të tjera ku kryetarët rrinë tundin flamurin e PD. Kryetari i bashkisë këtu ka bërë gjithë këto punë se ka pasur nxitjen inkurajuese që i kam dhënë personalisht. Por ama, shkuat votuar Lulin, e latë dhe kryetarin e bashksië pa punë”, tha Rama.
/a.m.
