Në një debat të plotë mbi lejimin e mbajtjes veshur të burkës në plazhet franceze, shfaqet në mediat perëndimore një lajm i një tjetër pozicioni që ka të bëjë me “ekspozimin” e trupit të femrës, këtë herë në një vend me shumicë myslimane si Egjipti.
Tetë prezantuese lajmesh, janë pezulluar nga televizioni shtetëror Ertu (Egyptian Radio and Television Union), sepse janë shumë të shëndosha: mund të kthehen të punojnë vetëm kur të kenë humbur peshë, edhe pse ndërkohë do të paguhen njëlloj.
Lajmin e ka bërë të ditur televizioni BBC, i cili sjell edhe imazhin e një prej prezantueseve të pezulluara: bukuroshja Khadija Khattab, me flokë të gjatë të verdhë dhe me një këmishë rozë. Prezantuesja kishte protestuar në një tjetër gazetë: Al-Yawm al-Sabi, duke thënë se duhet të jetë publiku ai që duhet të gjykojë nëse ajo është me të vërtetë “e shëndoshë” dhe nëse e meriton të pengohet të punojë.
Çështja është dënuar nga qendra për orientim dhe ndërgjegjësim gjyqësor të grave, sipas të cilës ky rast “shkel Kushtetutën” dhe është një formë dhunë kundër grave.
Kushtetuta e riformuluar në vitin 2014 e detyron shtetin “të vendosë barazi mes grave dhe burrave me të drejta të plota civile, politike, ekonomike, sociale dhe kulturore” dhe mbron nga kushdo formën e dhunës, shkruan shqip.
Por pavarësisht nga kritikat e ardhura nga shumë palë, me aktivistët që kanë folur për një diskriminim të tillë, eminenti ka bërë të ditur se nuk do të tërheqë vendimin e tij. Një vendim i marrë nga presidentja e Ertu, Safaa Hegazy, ish-prezantuese, e cila ka marrë këtë detyrë në prillin e shkuar.
Sipas “Egyptian Streets”, edhe ajo pas 17 vjetësh në atë rol, i ishte ndaluar të shfaqej në televizion në kuadër të një plani të rinovimit që përjashtonte mbipeshën.
