Serie A nuk është aq joshëse siç ishte dikur, por ajo është ende e dashur në nivel global. Fanella elegante, stadiume sharmante të vjetruara dhe natyrisht, taktikat sikur në shah.
Kampionati italian gjithmonë ka qenë njëri nga më të fortit dhe më të shikuarit në glob.
Megjithatë, vitet e arta të Series A thuhet të jenë vitet e 90-ta dhe fillim vitet 2000, kur ishte një ‘hit’ botëror, transmeton Telegrafi. Forcën dhe bukurinë e këtij kampionati e tregojnë më së miri emrat që kanë luajtur dhe kanë kaluar në futbollin italian.
Këtu është një kujtesë e disa nga protagonistët apo yjet kryesore të dekadës së artë në të cilën shikueshmëria e Series A kishte vendosur veten larg para kampionateve tjera.
Disa nga superyjet që luajtën në Serie A:
Ronaldo
Fenomeni ishte një koktej i forcës, ritmit, teknikës (dhe lëndimeve të trishtueshme) për Interin mes viteve 1997 dhe 2002. Gazetari i nderuar Enzo Palladini, në biografinë e tij të R9, me titull ‘Paura del Buio’, ka thënë vetëm një mënyrë jetese joprofesionale ka mundur ta ndal makinën e golave, i cili tejkaloi edhe Diego Maradonan dhe Pelen.
Roberto Baggio
Një njeri i qetë, i gjykuar si i rezervist nga disa, Baggio ka luajtur për Juventusin, Milanin, Inter, Bologna dhe Brescia. Një prekje hyjnore, temperamenti gjakftohtë dhe qetësia e tij për driblime kanë lejuar atë për të kapërcyer pengesat dhe t’i befasoj shikuesit.
Zinedine Zidane
Enigmatik, vullkanik dhe shumë francez. Zidane ishte i panjohur për një numër të madh njerëzish, kur Juventusi ka nënshkruar me atë nga Bordeaux në vitin 1996. Së shpejti u bë një legjendë e padiskutueshme. “Trupi i një ariu, mendja e një dhelpre” është ajo që e përshkruante atë. Mund të fitonte lojëra i vetëm pasi ishte po aq efektiv si brenda sulmit ose prapa sulmuesve.
Paolo Maldini
Shfaqje të këqija të Maldinit janë shumë të rrallë karshi episodeve të lumtura për skuadrën e Milanit. Fillimisht Maldini e nisi si një një mbrojtës i majtë pastaj u zhvendos në qendër pasi arriti një moshë të caktuar, Paolo bëri gjithçka të përkryer.
Alessandro Del Piero
Është gjithmonë e këndshme, kur një sportist i nivelit të lartë është gjithashtu një qenie jashtëzakonisht e admirueshme njerëzore. Del Piero u bashkua me bardhezinjtë nga Padova në vitin 1993 dhe brenda pak vitesh u ngrit në një markë golash, ku shumica përfundonin në këndin e epërm të portës pas prerjes së brendshme të topit. Një lëndim në gju në vitin 1998 e detyroi atë për të ndryshuar stilin e tij. Me këmbë në tokë Alex qëndroi me Juventusin deri në vitin 2012 duke u respektuar kudo që shkonte, brenda dhe jashtë Italisë.
Javier Zanetti
Fytyra e Interit modern. I gjithanshëm, trim dhe qëndrueshmëria e një vrapuesi të distancave të gjata. Argjentinasi Zanetti ngriti Kupën UEFA më 1998 dhe në 2010 Ligën e Kampionëve me Interin. Stili i vrapimit, shtyja e tij, shkëputja nga krahët dhe njeri i aftë në menaxhimin me futbollistë dhe gjyqtarë e bëri atë një idhull. Zanetti doli në pension në vitin 2014, pas 858 paraqitjet në nëntëmbëdhjetë sezone. Tani është zëvendës-president i klubit.
Francesco Totti
Ka pak nevojë të flitet për të. Hero i vendlindjes. Debutoi në moshën 16-vjeçare, kapiten që nga viti 1998, fitues i ‘Scudettos’ në vitin 2001. Shënues i mbi 304 gola (deri tani). Kurrë nuk do të ketë një tjetër si ai. Mbreti i Romës.
Yje tjera:
Franco Baresi
Gabriel Batistuta
Paul Gascoigne
Fabio Cannavaro
Alessandro Nesta
Lilian Thuram
Thierry Henry
Dennis Bergkamp
Gaizka Mendieta
Michael Reizeger
Rivaldo/a.k
