Komisioni Qendror i Zgjedhjeve çon në Prokurori raportin e ardhur në këtë institucion nga specialisti i gjendjes civile, Armand Teliti, lidhur me një shtim të panatyrshëm të banorëve në qytetin e Durrësit.
Sipas raportit të prezantuar dje nga Teliti bëhet fjalë për një shtim prej 2186 votuesish që ka ndodhur në periudhën 12 prill-27 prill 2015.
Teliti ngriti dyshimet se kjo është bërë për të shtuar votat për kryebashkiakun aktual, ndërkohë që përfaqësuesi ligjor i PS-së në KQZ Genc Gjonçaj kujtoi pretendimet e mazhorancës në zgjedhjet e 2013 në Kukës.
Në këtë situatë nga ana e saj Kryetarja e KQZ-së Lefteri Luzi ngriti propozimin që raporti t’i kalojë Prokurorisë. Vendimi u mor me shumicë votash, ku pro, veç përfaqësuesve të djathtë në këtë institucion, ka votuar edhe nënkryetari Denar Biba. Ndërkohë që dy përfaqësuesit e tjerë të së majtës në KQZ kanë votuar kundër.
Redaksia Online
(JavaNews.al)
