Në qarkun e Korçës gjatë natës ka pasur reshje dëbore të shoqëruara me erëra të forta dhe të ftohta nga drejtimi Verilindje. Temperaturat kanë zbritur në -6 gradë gjatë natës.
Në zonat malore reshjet kanë qenë me prezencë ere të fortë, në Dardhë trashësia e borës shkon në mbi 40 cm. Gjatë natës është punuar nga kontraktorët për mirëmbajtje dimërore me pastrime dhe kriposje. Të angazhuara në punë janë 9 mjete borëpastruese.
Qarkullimi i mjeteve në akset rrugore nacionale dhe turistike si Korçë – Ersekë – Leskovik; Korçë – Dardhë; Korçë-Voskopojë, kryhet pa probleme dimërore.
Në rrugën e Dardhës nga kilometri i 9-të deri në kilometrin e 13-të lëvizja me goma dimërore për orët e paradites. Aktualisht temperaturat mesatare janë në -4 gradë dhe moti është i vrenjtur me reshje të dobëta dëbore.
Kontraktorët do vazhdojnë mirëmbajtjen dimërore edhe gjatë ditës, me punime zgjerimi, pastrime dhe kriposje deri në normalizim e plotë të qarkullimit në rrugë.
Në njësivë Dardhas janë të bllokuara 5 fshatra: Prenisht, Osnat, Lekas, Niçe, Derdushë, ku ka mbi 1.5 m dëborë.
Banoret kërkojnë ndihmë pasi po mbarojnë rezervat ushqimore. Maliqi ka probleme me energjinë elektrike në Gjinikas, Osojë, Moglicë.
Një pjesë e rrugës së Nikolicës është e bllokuar nga dëbora. Duke filluar nga Gora dhe më tej do ndërhyhet me kontraktorët e Korçës. Probleme me energjinë ka edhe në Progër.
Autoriteti Rrugor Shqiptar përmes një postimi në rrjetin social Facebook, la bërë me dije se reshjet e borës kanë përfshirë në Juglindje shoqëruar me temperatura të ulëta deri në -7 °C❄️, në akset e Dajtit, në Veri në zonat malore dhe në Llogara ku reshjet kanë qenë të dendura.
Policia rrugore bën me dije se drejtuesit e automjeteve duhet të bëjnë kujdes gjatë qarkullimit në rrugë dhe të jenë të pajisur me goma dimërore dhe me zinxhirë.
g.kosovari
