Nga Dritan Hila
1-Muzikën jugosllave pak e pëlqej. Disa artistë si Dino Merlin, grupi Crvena Jabuka, bëjnë përjashtim. Kjo nuk i heq asgjë mirëkuptimit tim për kë e mendon ndryshe. Bregoviç i pelqej Bella Ciao në variantin cigan. Perlë. Kemi të bëjmë me çështje shijesh dhe si edukohesh. Për shembull polifonia apo kënga e veriut një evropiani i duken klithma parahistorike. Por për mua janë identitet.
2-Korça nuk e meriton një rrëmujë. Ata edhe bustin e Enver Hoxhës e hoqën me procesverbal dhe jo me demonstratë.
3-Kush ka qejf të tregojë patriotizëm, Beogradin e ka afër. Le të shkojë e ta kalli. Shpresoj që rrugës të marrin edhe Mitrovicën, nëse i lenë të kalojnë nga ura. Vetëm se mos rrini gatitu para policëve serbë të doganës.
4-Dhe tani duke folur seriozisht, në Ballkan është koha e paqes. Një zot e di sa të vështirë e ka pasur SHBA të detyrojë perëndimin të godasi Serbinë. Serbia është aleate e anglezëve dhe francezëve historikish. Kanë derdhur gjak ta farkëtojnë këtë aleancë në dy luftëra botërore. Dy betejat mbi Drin në luftën e parë dhe lufta partizane e Titos janë shënuar në memorjen e perëndimorëve.
Open Ballkan është një nismë e perëndimorëve ku Rama dhe Vuçiç marrin pjesë të detyruar. Perëndimi nuk e heq Serbinë nga zemra. Puna është që mos t’i dalim ne nga qejfi.
5-I lutem patriotëve të shkruajnë ne standardin letrar të shqipes. Domethënë të ngrihen në nivelin kur serbi dhe greku ishin para 150 vitesh.
Keta “patriote te flakte” perse nuk flasin per mallrat serbe qe kane mbushur tregjet e Kosoves?