Azilkërkuesit shqiptarë por edhe emigrantët mbeten gjithnjë një shqetësim për Shqipërinë. Sipas statistikave zyrtare të Policisë së Shtetit, janë rreth 78 mijë shtetas shqiptarë më tepër se vitin e kaluar që janë larguar në periudhën janar-korrik 2015, por nuk janë kthyer.
Nga ky numër, zyrtarisht dihet se mbi 22 mijë kanë kërkuar strehim politik në Gjermani, ndërsa mijëra të tjerë kanë përfunduar në shtete të tjera të BE-së, ose emigrojnë në mënyrë klandestine drejt Britanisë ose SHBA-së.
Sipas statistikave të policisë, rreth 2.2 milionë shtetas shqiptarë kanë dalë jashtë vendit në periudhën janar-korrik 2015, por nga ana tjetër kanë hyrë vetëm 1.94 milionë persona. Pra diferenca është 256 mijë persona, ose 78 mijë më tepër se sa në të njëjtën periudhë të vitit të kaluar, kur ky hendek për të njëjtën periudhë, ishte 178 mijë persona, raporton “Shqip”.
Statistikat e hyrje daljeve të shtetasve shqiptarë
Maj 2015
304.514 hyrje 354.050 dalje
Deportuar 2.279 persona
Prill 2015
312.678 hyrje 341.249 dalje
Deportuar 2.161 persona
Mars 2015
264.659 hyrje 293.549 dalje
Deportuar 1.866 persona
Shkurt 2015
222.804 hyrje 242.778 dalje
Deportuar 1.334 persona
Janar 2015
258.341 hyrje 333.739 dalje
Deportuar 1.511 persona
Dhjetor 2014
386.727 hyrje 306.323 dalje
Deportuar 1.700 persona
