Partia Demokratike tërhoqi dje ministrat e saj nga qeveria “Rama”.
Zyrtarisht pritet që zv.kryeministrja Ledina Mandija dhe gjashtë ministrat teknikë të Partisë Demokratike të dorëzojnë sot në Kryeministri tekstin e dorëheqjes.
Mësohet se dorëheqja t’i mbërrijë me postë kryeministrit Rama deri në orën 16:00 të ditës së sotme, kur mbyllet edhe zyra e protokollit në Kryeministri, shkruan BW
Edhe në ditën e tyre të fundit në detyrë, ministrat teknikë nuk do ta takojnë kryeministrin Rama.
Ata në tre muaj detyrë nuk e kanë takuar asnjëherë Ramën.
Ka qenë kryeministri ai që ka anashkaluar mbledhjet apo takimet me ministrat e Bashës.
Ministrat teknikë e morën detyrën menjëherë pas marrëveshjes politike Rama-Basha në funksion të zgjedhjeve parlamentare të 25 qershorit.
