Katër personat e arrestuar lidhur me çështjen e 3.4 milionë eurove të sekustruara në portin e Durrësit, janë paraqitur sot para Gjykatës së Durrësit e cila vendosi ndaj tyre masën “arrest me burg”.
Shoferi i kamionit, 61-vjeçari Çeka ka dhënë një dëshmi që mund të ndihmojë hetimet lidhur me dekonspirimin e operacionit. Ai ka thënë se gjatë rrugës, pronari i kompanisë së transportit Edi Lika, i kërkoi të ndryshonte itinerarin dhe të kalonte përmes portit të Barit dhe jo Ankonës si zakonisht.
Pyetja që ngrihet është nëse ata ndryshuar itnerarin pas deklaratave së Bashës në parlament të enjten e shkuar? Kujtojmë se Basha foli për një “Toyota Yaris” me 1.5 milionë euro që siaps tij ishin të një grupi kriminal me garant kreun e grupit të PS Taulant Balla.
Por, kur Basha dha deklaratën, operacioni nuk ishte finalizuar, por policia kishte informacion dhe priste ngarkesën. Siç dihet, dy kushërinjtë Vladi, janë ende në kërkim dhe dyshohet se u larguan pasi informacionet dolën në sallën e parlamentit.
“U kontaktova për të marrë mjetet në Belgjikë. Në datë 13 jemi nisur nga Tirana në rrugë tokësore, nëpërmjet Malit të Zi për të shkuar në Belgjikë. Kur shkuam atje u kontaktuam nga një prej kushërinjve Vladi që na tha për makinat. Ngarkuam “Toyotat” dhe u nisëm drejt Italisë. Ishte hera e tretë që vinim të ngarkuar me makina. Një natë para se të niseshin, u kontaktuam nga Edi Lika që na tha të niseshin nga Bari dhe jo Ankona si gjithmonë. Në Portin e Durrësit porositës i mallit ishte Alfred Vladi”, ka deklaruar Agim Çeka që forcon pistën e dekonspirimit.
Lidhur me këto deklarime të shoferit, mësohet se pronari i tij Edi Lika nuk ka bërë asnjë koment.
Deklarimet e shoferit në dosje:
Më datë 12.06.2018 shoferi deklaron të ketë marrë një telefonatë nga pronari i tij për të marrë trajlerin në Tiranë e të niseshin bashkë me djalin e tij Klevi Canin për në Belgjikë ku do ngarkonin disa makina për t’i sjellë në Shqipëri.
Më datë 13 ata janë nisur në mëngjes herët, kanë kaluar kufirin nga Hani i Hotit në Mal të Zi, pastaj në Kroaci, Slloveni, Austri dhe Gjermani. Në datë 16 kanë mbërritur në qytetin Sherlo të Belgjikës që rezulton të ishte edhe destinacioni i tyre.
Kanë qëndruar dy ditë aty dhe kanë fjetur dy ditë në trajler në pritje të makinave. Në këtë vend ai deklaron të ketë qënë edhe një herë tjetër.
Kur kanë shkuar atje kanë kontaktuar me shtetasin Elvis Vladi, i cili i ka ngarkuar mjetet Toyota. Me pas kanë marrë edhe 2 mjete të tjera dhe janë nisur për në Itali në portin e Anconës. Në atë moment i ka marrë në telefon Eduardi dhe iu ka thënë të shkonin në portin e Barit dhe kanë shkuar në Bari.
Personi që priste makinat në portin e Durrësit e kishte emrin Fredi, djali i xhaxhait të Vis Vladit. Ai ishte edhe personi që priste doganat për makinat dhe më pas i niste për në Tiranë. Shoferi pohon se e ka takuar një herë tjëetër këtë të fundit dhe ai ishte marrë me zhdoganimin e makinave./JavaNews/a.m.
