Ndryshimet e reja në statutin e PD, Basha vë ‘nën zap’ partinë

Armando Meta/

SPECIALE JAVANEWS.AL/ Disa propozime për ndryshime në statutin e PD, pritet të turbullojnë jo pak ujërat brenda forcës më të madhe opozitare në vend. Ndonëse në dukje këto ndryshime krijojnë imazhin e rritjes së demokracisë dhe pjesëmarrjes së anëtarësisë në vendimarrje, në thelb propozimet që kanë dalë në media pritet që të forcojnë rolin e kryetarit të PD në kontrollin e partisë, shkruan javanews.al

Një nga pikat më të nxehta është heqja e mekanizimit të zgjedhjeve të kryetarëve të degëve dhe dhënia e plot- fuqishmërisë kryetarit për t’i emëruar ata. Një hap pas ky po të shihet kufizimi i të drejtës së anëtarësis për të zgjedhur drejtuesit lokal të PD. Nevoja për t’i dhënë fuqitë kryetarit për zgjedhjen e kryetarëve të degëve duket se buron nga fakti se prej kohësh PD ka përjetuar një krizë të plotë në disa prej degëve kryesore të saj në rrethe, ku nuk arrihej të zgjidhej kryetari i degës për shkak të kundërshtive mes anëtarësisë për kandidaturat. Tipike kjo ishte në Durrës, Vlorë, Korçë etj., gjë që ndikoi jo pak edhe në zgjedhjet e përgjithshme të 25 qershorit 2017, shkruan javanews.al. Eshtë pikërisht kjo pikë ajo e cila duket se rrit rolin e kryetarit të PD brenda PD dhe që vendos nën fre thuajse të gjithë mekanizmat e funksionimit të partisë.

Nga ana tjetër ndër propozimet për ndryshimet në statut është përfshirë dhe e drejta e anëtarësisë për të zgjedhur kandidatët për kryetar bashkie si dhe ata për deputet. Ndonëse në pikpamjen formale kjo duket se e rrit shkallën e përfaqësimit të anëtarësisë në vendimarrje, kjo skemë ka pak gjasa të funksionojë, po të kemi parasysh se kryetari i PD, duke marrë në dorë edhe të drejtën për të emëruar kryetarët e degëve, e bën thuajse ‘fiktiv’ vullnetin e anëtarësisë. Kur anëtarësia p.sh s’bie dakord për një kryetar dege, imagjino se ç’bëhet për kandidatët për kryetar bashkie apo për deputet.
Megjiuthatë mbetet ende për t’u parë nëse këto propozime do të marrin dritën e gjelbër në Kuvendin e PD, pasi nga selia blu artikulophet se që të m,arrin fuqi këto propozime duhet të miratohen nga Kuvendi Kombëtar i PD. javanews.al

PROPOZIMET PER NDRYSHIME NE STATUTIN E PD

1. Kryetari i PD-së të zgjedhë kryetarët e degëve

2. Kandidatët për kryetar bashkie të zgjidhen nga anëtarësia

3. Kandidatët për deputetë të zgjidhen nga anëtarësia

4. Kandidatët në zgjedhje të paraqiten 60 ditë përpara

5. Sekretarët në PD të zgjidhen nga Kuvendi Kombëtar