Zëvëndësministri i Financave, Elton Haxhi ka dhënë dorëheqjen ditën e sotme.
Numri dy i Financave ka njoftuar largimin nga posti i rënëdsishëm, në një kohë që vetëm një muaj më parë është larguar dhe zëvëndësministri tjetër, Erjon Luçi.
Elton Haxhi ka folur për News24 për vendimin e tij për t’u larguar nga detyra në Ministrinë e Financave.
Ai ka thënë se “Nuk mundet të vijoja të qëndroja më në atë detyrë”.
Por në një prononcim për Repor Tv, Elton Haxhi ka deklaruar se është larguar nga posti për shkak se i ka mbaruar mandati.
Ndërkohë i pyetur rreth skandalit të ‘Duty Free’ ai është shprehur se dorëheqja e tij nuk ka të bëjë me këtë çështje. Në mungesë të Denajt, Haxhi firmosi zgjatjen e licencës së ‘Duty Free’.
Elton Haxhi ka firmosur, rinovimin e licencës së “Duty Free” më 16 gusht të vitit që lamë pas. Por më pas Ministria e Financave, pasi është informuar se dokumentacioni i ADFD-së nuk ishte i saktë, me kërkesë të TIA, i ka anuluar licencën më datë 30 shtator.
Përfaqësuesit e Ministrisë së Financave kanë pohuar para gjykatës se kishin vepruar në mirëbesim, pra nuk se nuk e dinin se kompania e gruas së Gjin Gjonit, po fshihte rrethana që diktonin refuzimin e autorizimit.
g.kosovari
