Pas shtatë vitesh në detyrë, në mbledhjen e sotme të Këshillit të Ministrave të drejtuar nga zv.Kryeministri Erion Braçe, është vendosur shkarkimi nga detyra i zëvendësministrit të Financave dhe Ekonomisë Erjon Luçi.
Luçi mban gradën Doktor (Phd) nga Universiteti Stadffordshire në Angli (1999-2002), ku ka mbrojtur dizertacionin me titull “Ndërmjetësi Financiar në vendet në Tranzicion me fokus Shqipërinë”. Në po të njëjtin universitet, ai ka marrë gradën Master në Ekonomiks gjatë periudhës 1997-1999.
Luçi ka përfunduar studimet e larta në Ekonomiks, pranë Universitetit të Tiranës, ku është vlerësuar me medalje.
Po ashtu ka mbajtur pozicionin e drejtorit të Departamentit të Kërkimeve në Bankën e Shqipërisë (2003-2006) dhe pedagog i jashtëm pranë Departamentit të Ekonomiksit, në Fakultetin Ekonomik, në Universitetin e Tiranës (1996-2013).
/a.r
