Kryeministri i Shqipërisë, Edi Rama mer pjesë në ceremoninë e ndarjes së çmimit ndërkombëtar “Karlspreis – Karli i Madh” një nga nderimet më të larta europiane për personalitete me kontribut në bashkimin dhe përparimin e Europës, që vijnë në Tiranë, për dialogun mbi rolin e rinisë në të ardhmen e kontinentit.
Mes të tjerash gjatë fjalës së tij Rama u ndal edhe tek situata e tensionuar mes Amerikës dhe Evropës.
Kryeministri theksoi se ndoshta zoti i shpëtoi jetën Donald Trumpit jo vetëm për të bërë Amerikën më të madhe, por për të zgjuar Europën dhe për t’i dhënë asaj mundësinë të kuptojë që nuk mund të vazhdojë sikur bota të ishte njësoj.
“Do të thoja që për mua së pari jam në një pozitë mjaft të rehatshme sepse nuk jam gjerman dhe nuk duhet të gjej zgjidhje për botën. Jam një kryeministër i një vendi më të vogël, megjithëse jam më i gjatë se Frederich Merz, është Merz që duhet të marrë vendime prej të gjati. E di që nëse unë e kam gabim askush nuk do të dëmtohet, por nëse Merz e ka gabim të gjithë ne do të dëmtohemi. Vendimet e këqija të një udhëheqësi sot paguhen në kosot nga brezi i ardhshëm. Ajo çfarë shohim sot nuk është asgjë nga ajo çfarë vjen. Mesa kuptoj unë bëhet fjalë për një pamje 360 gradë të situatës. Nuk është thjesht për të hyrë në garë se kush është më i fortë ushtarakisht. Ne shpresoj nuk po kërkojmë të krijojmë një ushtri të madhe barbarësh dhe gjysma analfabetë, por diçka krejt ndryshe dhe na duhet që të jemi shuam të guximshëm dhe të përpiqemi ta shohim çdo gjë në tërrësi.
Europa ka më pak miq sot se para agresionit rus dhe kjo është diçka që duhet kuptuar,. Mbi të cilën duhet reflektuar. Ndërkohë që nuk ka aspak dyshim që Europa u ngrit për gjënë e duhur duke qëndruar krah Ukrainës, kjo nuk ka aspak dyshim, por pse ka më pak miq dhe nuk po flasim për Rusinë, por për miq që nuk ajnë në këtë pjesë të botës. Është shumë komplekse, por ndoshta zoti i shpëtoi jetën Donald Trumpit jo vetëm për të bërë Amerikën më të madhe, por për të zgjuar Europën dhe për t’i dhënë asaj mundësinë të kuptojë që nuk mund të vazhdojë sikur bota të ishte njësoj sepse nuk është njësoj, shprehet Rama.
