Kryetari i PDK-së, Nard Ndoka, ka bërë të ditur sot gjatë mbledhjes së partive të opozitës të thirrur nga kreu i PD-së, Lulzim Basha, se do të votojë pro Reformës në Drejtësi. Kjo deklaratë e Ndokës që në nisje të takimit, ka ngjallur jo pak reagim, po të kihet parasysh se Basha kishte thirrur këto parti që të mos votohet Reforma në Drejtësi, nëse nuk arrihet një marrëveshje mes pozitës dhe opozitës për draftin.
Gjithësesi, Ndoka ka qenë i drejtpërdrejtë sot kur ka deklaruar në sy të kreut të PD-së se do të votojë Reformën në Drejtësi. Vetëm pak kohë më parë Ndoka ishte shprehur se nuk do të votonte draftin, nëse nuk gjendej një zgjidhje për çështjen e martesave gay duke hequr nenet përkatëse nga drafti. Gjithësesi kjo nuk e ka penguar atë të deklarojë tashmë votën pro Reformës në Drejtësi, por duke ruajtur rezervat lidhur me çështjen e legalizimit të martesave gay.
Me. Ar
