Një adoleshent në Itali ka rezultuar pozitiv ndaj koronavirusit. Ai u infektua nga gruaja e prekur me virus, me të cilën kishte romancë të fshehtë babai i 13-vjeçarit.
Siç raporton e përditshmja italiane “Il Gazzettino”, mes 42 të prekurve në Polestine, një prej tyre kishte ardhur si pasojë e një “lidhje klandestine” që u mbajt e fshehtë në momentin e krijimit të kontakteve dhe nuk lejoi në ndërprerjen e zinxhirit të përhapjes së infeksionit.
Autoritetet shëndetësore nuk zbuluan detaje të tjera rreth ngjarjes në njoftimin e tyre ku thanë: “Një rast pozitiv u raportua disa ditë më parë për të cilin Shërbimi i Higjienës po kërkonte të identifikonte kontaktet, por që nuk iu dhanë të gjitha informacionet. Një pjesë e kontakteve që personi kishte pasur nuk ishin deklaruar.
Plotësimin e hartës e bëmë duke mbledhur informacione mbi familjen e djaloshit të cilat na çuan në përfundimin se dikush nuk ishte sjellë në mënyrë të përgjegjshme duke mohuar kontaktet e tjera që kishte pasur. Duhet përgjegjshmëri”.
/a.r
