57-vjeçari Sandër Nezha, i cili u arrestua dje për shembjen e dy shtyllave të tensionit të lartë, mendohet se e ka kryer qëllimisht këtë akt.
Grupi hetimor zbuloi se banori i Kurbinit ka patur konflikte të vazhdueshme me Operatorin e Sistemit të Shpërndarjes. Dy shtyllat e furnizimit me energji elektrike ishin vendosur në territorin e tij.
Dyshohet se Nezha ka kërkuar të merrte qira nga OST, por pasi nuk ka marrë përgjigje pozitive, ai ka marrë pllakat metalike dhe bullonat duke shkaktuar rrëzimin e këtyre dy shtyllave.
Sandër Nezha do të gjykohet për veprën “Shkatërrimi i rrjetit elektrik”.
/a.r
