Kryetari i Serbisë, kryeministri i saj, shefi i partisë radikale serbe e shumë zyrtarë të tjerët të Serbisë janë në listën e të padëshiruarve nga shteti kanadez, transmeton Koha.net.
Në Kanada edhe më tej është në fuqi dekreti sipas të cilit zyrtarët më të lartë të RFJ-së e të Serbisë që kanë qenë në pozita të rëndësishme në Qeveri, diplomaci , ushtri , polici e jurisprudencë nga shkurti i vitit 1998 deri në tetorin e vitit 2000 janë të padëshirueshëm në këtë shtet, transmeton Koha.net.
Marrë para sysh se në atë periudhë kanë qenë në pozita të rëndësishme,sipas gazetës së Beogradit “Veçernje Novosti”, ministra të padëshirueshëm për hyrje në Kanada janë edhe Tomislav Nikoliç, Aleksandar Vuçiç , Maja Gojkoviç, Jargovanka Tabakoviç, Vojislav Sheshelj, Milovan Bojiç, Milan Beko,etj.
Nën goditje të ligjeve kanadeze janë edhe Momir Bulatoviç, Zoran Liliç, Zhivadin Jovanoviç dhe Vuk Drashkoviç, që kanë qenë anëtarë të Qeverisë federale e aty është edhe Milan Milutinoviç, ish –kryetari i Serbisë.
Agjencia kufitare kanadeze, të cilën e citon gazeta e Beogradit, ka theksuar se qeveritë e Republikës Federale të Jugosllavisë dhe të Serbisë, nën Slobodan Milosheviçin, janë cilësuar regjime që kanë bërë shkelje të mëdha në fushën e të drejtave të njeriut nga 28 shkurti 1998 dhe deri më 7 tetor 2000 dhe se, sipas Ligjit kanadez për Emigrim dhe mbrojtjen e refugjatëve, funksionarët e këtyre vende nuk janë të mirëseardhur në Kanada.
Në kohën e tyre, nga Kosova ishin larguar afër 1 milion shqiptarë nga shtëpitë ndërsa ishin ër shumë krime monstruoze gjatë dëbimit të tyre. (b.an)
